到埗

直航機，香港飛慕尼黑，十二個鐘。遲起飛不過早到，德國佬果然係守時專家。然後坐一個鐘頭內陸機轉到萊比錫。空姐講英文中間會夾雜德文，笑。

睇唔明德文報紙。

到埗，喺機場轉咗一個圈，頂唔順問人先發覺原來要搭火車去Leipzig Hauptbahnhof（萊比錫巿中心鐵路站）先轉到Straßenbahn（直譯街鐵，其實即係電車）。詢問處姨姨好 Pro，一問就知電車12號要轉去巿中心先有得搭。詢問處哥哥都好有條理，即刻印張時間表比我地睇，一目了然，非常清晰。

火車票好L貴。

所有車都係好守時好守時好守時。不論火車定電車，話幾時到就幾時到，有早無遲，早到都準時開。

識得用德文問路，覺得自己好叻。

搞完哂手續就去咗宿舍，幾大，幾好環境。好過湯宿:o)